Lëvizjes Vetëvendosje, dega në Podujevë, sot i është bashkuar edhe Ngadhnjim Cakiqi, njofton Llapi.info.
Këtë e ka bërë të ditur kandidati për kryetar të Komunës së Podujevës nga kjo parti, Shpejtim Bulliqi.
“Ngadhnjim Cakiqi vjen nga Llapashtica e epërme, arsimin fillor dhe të mesëm e ka përfunduar në vendlindje. Ngadhnjimi ka përfunduar studimet në UP në Fakultetin e Ndërtimtarisë dhe Arkitekturës, ka vazhduar në Fakultetin Ekonomik në departamentin Banka, Financa dhe Kontabilitet dhe ka përfunduar studimet Master në Universitetin Politeknik të Tiranës në Fakultetin e Inxhinierisë së Ndërtimit. Ai sot është ligjërues dhe asistent në UP në Fakultetin Ekonomik ligjëron lëndet: Matematikë për Ekonomist, Statistikë, Matematikë Financiare. Ngadhnjimi ka përvojë të mirë menaxheriale dhe ne sot jemi forcuar dukshëm, nesër do të fitojmë bindshëm, sepse pasnesër do të qeverisim mirë”, ka shkruar ai.
Ndryshe, ditë më parë është bërë aderimi edhe i Kujtim Thaçit në LVV-në në Podujevë./Llapi.info
